Saturday, September 24, 2022
Google search engine
HomeUncategorizedBIG NEWS: ಸ್ವಾಮೀಜಿಗೊಂದು, ಸಾಮಾನ್ಯರಿಗೊಂದು ಕಾನೂನೇ….? ಮುರುಘಾಶ್ರೀಗಳನ್ನು ತಕ್ಷಣ ಬಂಧಿಸಿ; ಪರಿಷತ್ ಸದಸ್ಯ ವಿಶ್ವನಾಥ್ ಆಗ್ರಹ

BIG NEWS: ಸ್ವಾಮೀಜಿಗೊಂದು, ಸಾಮಾನ್ಯರಿಗೊಂದು ಕಾನೂನೇ….? ಮುರುಘಾಶ್ರೀಗಳನ್ನು ತಕ್ಷಣ ಬಂಧಿಸಿ; ಪರಿಷತ್ ಸದಸ್ಯ ವಿಶ್ವನಾಥ್ ಆಗ್ರಹ

BIG NEWS: ಸ್ವಾಮೀಜಿಗೊಂದು, ಸಾಮಾನ್ಯರಿಗೊಂದು ಕಾನೂನೇ….? ಮುರುಘಾಶ್ರೀಗಳನ್ನು ತಕ್ಷಣ ಬಂಧಿಸಿ; ಪರಿಷತ್ ಸದಸ್ಯ ವಿಶ್ವನಾಥ್ ಆಗ್ರಹ

ಮೈಸೂರು: ಮುರುಘಾಶ್ರೀಗಳ ವಿರುದ್ಧ ಕೇಳಿ ಬಂದಿರುವ ಆರೋಪ ಹಿನ್ನೆಲೆಯಲ್ಲಿ ತಕ್ಷಣ ಅವರನ್ನು ಪೊಲೀಸರು ಬಂಧಿಸಿ ಕ್ರಮ ಕೈಗೊಳ್ಳಬೇಕು. ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಾದ ಬೆನ್ನಲ್ಲೇ 24 ಗಂಟೆಯಲ್ಲಿ ಅವರನ್ನು ಬಂಧಿಸಬೇಕಿತ್ತು. ವಿಳಂಬ ಧೋರಣೆ ಸರಿಯಲ್ಲ ಎಂದು ವಿಧಾನ ಪರಿಷತ್ ಬಿಜೆಪಿ ಸದಸ್ಯ ಹೆಚ್.ವಿಶ್ವನಾಥ್ ತಿಳಿಸಿದ್ದಾರೆ.

ಮೈಸೂರಿನಲ್ಲಿ ಸುದ್ದಿಗೋಷ್ಠಿ ನಡೆಸಿದ ವಿಶ್ವನಾಥ್, ಕಾನೂನು ಎಲ್ಲರಿಗೂ ಒಂದೇ ಎನ್ನುವುದಾದರೆ ಈಗಾಗಲೇ ಅವರನ್ನು ಬಂಧಿಸಬೇಕಿತ್ತು. ಆದರೆ ಈ ಪ್ರಕರಣದಲ್ಲಿ ಹಾಗೆ ಆಗುತ್ತಿಲ್ಲ ಎಂಬುದು ಬೇಸರ ತಂದಿದೆ. ದೇಶದಲ್ಲಿ ಸ್ವಾಮೀಜಿಗಳಿಗೊಂದು, ಸಾಮಾನ್ಯರಿಗೊಂದು ಕಾನೂನು ಎಂಬತಾಗುತ್ತಿದೆ. ವಿಳಂಬ ಮಾಡದೇ ಈಗಲಾದರೂ ಸ್ವಾಮೀಜಿಯನ್ನು ಬಂಧಿಸಲಿ ಎಂದರು.

ಪೋಕ್ಸೋ ಕಾಯ್ದೆಯಡಿ ಪ್ರಕರಣ ದಾಖಲಾಗಿದೆ ಎಂದರೆ ಇಲ್ಲಿ ಜಾತಿ, ಧರ್ಮ, ಬೇರೇನೂ ಮಧ್ಯಪ್ರವೇಶಿಸುವಂತಿಲ್ಲ. ಸಂತ್ರಸ್ತ ಮಕ್ಕಳಿಗೆ ನ್ಯಾಯ ಸಿಗಬೇಕು ಎಂಬ ದೃಷ್ಟಿ ಮಾತ್ರ ನೋಡಬೇಕು. ಶ್ರೀಗಳ ವಿರುದ್ಧ ಗಂಭೀರ ಪ್ರಕರಣ ದಾಖಲಾಗಿರುವುದರಿಂದ ಮುಖ್ಯಮಂತ್ರಿಗಳು, ಗೃಹಸಚಿವರು, ಮಂತ್ರಿಗಳು ಯಾರೂ ಕೂಡ ಈ ಬಗ್ಗೆ ಮಾತನಾಡುವುದು ಪ್ರತಿಕ್ರಿಯೆ ನೀಡುವುದು ಮಾಡಬಾರದು. ಇಲ್ಲಿ ಸಂಧಾನ, ಅನುಸಂಧಾನ ಪ್ರಶ್ನೆ ಬರಲ್ಲ. ಗೃಹ ಸಚಿವರು ಖಡಕ್ ಆಗಿ ಕಾನೂನು ಪ್ರಕಾರ ಕ್ರಮ ಜರುಗಿಸಲು ಸೂಚಿಸಬೇಕಿತ್ತು ಎಂದರು.

ಇದು ಅಮಾಯಕ, ಅಪ್ರಾಪ್ತ ಬಾಲಕಿಯರ ವಿಚಾರ. ಮುರುಘಾಶ್ರೀಗಳು ತಕ್ಷಣ ಪೀಠತ್ಯಾಗ ಮಾಡಿ ಮುರುಘಾ ಮಠದ ಗೌರವ ಉಳಿಸಬೇಕು. ಸ್ವಾಮೀಜಿಯನ್ನು ಬಂಧಿಸಿ ಸೂಕ್ತ ಕ್ರಮ ಕೈಗೊಂಡು ಸಂತ್ರಸ್ತ ಬಾಲಕಿಯರಿಗೆ ನ್ಯಾಯ ದೊರಕುವಂತಾಗಬೇಕು. ಈ ನಿಟ್ಟಿನಲ್ಲಿ ನಾನು ಪ್ರಧಾನಿ ಮೋದಿಯವರಿಗೆ ಪತ್ರ ಬರೆಯುತ್ತೇನೆ ಎಂದು ಹೇಳಿದರು.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments