102 ಗಂಟೆಗಳಲ್ಲಿ ‘ವಿಶ್ವದ ಅತ್ಯಂತ ಕಠಿಣ ಮ್ಯಾರಥಾನ್’ ಪೂರ್ಣಗೊಳಿಸಿದ ಭಾರತೀಯ
ಭಾರತ ಮೂಲದ ಸುಕಾಂತ್ ಸಿಂಗ್ ಸುಕಿ ಎಂಬ 33 ವರ್ಷದ ವ್ಯಕ್ತಿ ಇತ್ತೀಚೆಗೆ ನಡೆದ ವಿಶ್ವದ ಅತ್ಯಂತ ಕಠಿಣ ಮ್ಯಾರಥಾನ್ ನಲ್ಲಿ ಗೆಲುವು ಸಾಧಿಸಿದ್ದಾರೆ.
ಅವರು ಆಸ್ಟ್ರೇಲಿಯಾದ ವಿಶ್ವದ ಅತ್ಯಂತ ಕಠಿಣ ಮ್ಯಾರಥಾನ್ ಡೆಲಿರಿಯಸ್ ವೆಸ್ಟ್ ನಲ್ಲಿ 102 ಗಂಟೆ 27 ನಿಮಿಷಗಳಲ್ಲಿ 350 ಕಿಲೋಮೀಟರ್ ಓಡಿದ್ದಾರೆ. ಡೆಲಿರಿಯಸ್ ವೆಸ್ಟ್ 8 ಫೆಬ್ರವರಿ 2023 ರಿಂದ 12 ಫೆಬ್ರವರಿ 2023 ರ ವರೆಗೆ ನಡೆಯಿತು.
ಸುಕಿ ಅವರು ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ವೀರೋಚಿತವಾಗಿ ಮ್ಯಾರಥಾನ್ ಮುಗಿಸಿದ ವೀಡಿಯೊವನ್ನು ಪೋಸ್ಟ್ ಮಾಡಿದ್ದಾರೆ. ಅಂತಿಮ ಗೆರೆಯಲ್ಲಿ ನಿಂತಿರುವ ಜನರು ಅವರಿಗೆ ಹರ್ಷೋದ್ಗಾರ ಮಾಡುವುದನ್ನು ಕೇಳಬಹುದು. ಮತ್ತೊಂದು ವೀಡಿಯೋದಲ್ಲಿ ಅವರು ತಮ್ಮ ಪ್ರಯಾಣದ ಬಗ್ಗೆ ಮತ್ತು 350 ಕಿ.ಮೀ ದೂರವನ್ನು ಹೇಗೆ ಓಡಿದರು ಎಂದು ಹಂಚಿಕೊಂಡಿದ್ದಾರೆ.
“ಇದು ವಿಶ್ವದ ಅತ್ಯಂತ ಕಠಿಣ ಮ್ಯಾರಥಾನ್‌ಗಳಲ್ಲಿ ಒಂದಾಗಿದೆ” ಎಂದು ಅವರು ವೀಡಿಯೊದಲ್ಲಿ ಹೇಳಿದ್ದಾರೆ.
ಸುಕಿ ಅವರು 2016 ರಿಂದ ಆಸ್ಟ್ರೇಲಿಯಾದಲ್ಲಿ ವಾಸಿಸುತ್ತಿದ್ದಾರೆ ಮತ್ತು 2020 ರಲ್ಲಿ ಎಸ್‌ಬಿಎಸ್ ಹಿಂದಿಗೆ ನೀಡಿದ ಸಂದರ್ಶನದಲ್ಲಿ ಅವರು ಅಲ್ಟ್ರಾ-ಮ್ಯಾರಥಾನ್‌ಗಳಲ್ಲಿ ಭಾಗವಹಿಸುವುದು ತನಗೆ ಹೊಸ ಜೀವನವನ್ನು ನೀಡಿತು ಎಂದು ಹಂಚಿಕೊಂಡಿದ್ದಾರೆ.
ಅವರು “ಲಿಮಿಟ್ಲೆಸ್ ಹ್ಯೂಮನ್ಸ್” ಮತ್ತು “ಚೇಸಿಂಗ್ ಜೀನಿಯಸ್” ಸೇರಿದಂತೆ ಪುಸ್ತಕಗಳನ್ನು ಸಹ ಬರೆದಿದ್ದಾರೆ.
