Tuesday, December 6, 2022
Google search engine
HomeUncategorizedಮಳೆನೀರಲ್ಲೇ ಕೈಹಿಡಿದುಕೊಂಡು ಮದುವೆಯಾಗಲು ಹೊರಟ ನವಜೋಡಿ

ಮಳೆನೀರಲ್ಲೇ ಕೈಹಿಡಿದುಕೊಂಡು ಮದುವೆಯಾಗಲು ಹೊರಟ ನವಜೋಡಿ

ಮಳೆನೀರಲ್ಲೇ ಕೈಹಿಡಿದುಕೊಂಡು ಮದುವೆಯಾಗಲು ಹೊರಟ ನವಜೋಡಿ

ಚೆನ್ನೈನಲ್ಲಿ ಸುರಿದ ಭಾರೀ ಮಳೆಗೆ ಇಡೀ ನಗರ ಜಲಾವೃತಗೊಂಡಿದೆ. ಜನಜೀವನ ಅಸ್ತವ್ಯಸ್ತವಾಗಿದೆ. ರಸ್ತೆಗಳು, ದೇವಸ್ಥಾನಗಳಲ್ಲಿ ಮಳೆನೀರು ನಿಂತಿದೆ. ಹೀಗೆ ರಸ್ತೆಯಲ್ಲಿ ನಿಂತ ಮಳೆನೀರಲ್ಲಿ ನಡೆದುಕೊಂಡು ಹೋಗಿ ವರ ಮತ್ತು ವಧು ಮದುವೆಯಾಗಿದ್ದಾರೆ. ರಸ್ತೆ ಮತ್ತು ದೇವಸ್ಥಾನದಲ್ಲಿ ನಿಂತ ಮಳೆನೀರಲ್ಲಿ ನವಜೋಡಿ ನಡೆದುಕೊಂಡು ಹೋಗ್ತಿರೋ ವಿಡಿಯೋ ವೈರಲ್ ಆಗಿದೆ.

ನಗರದಲ್ಲಿ ನಿರಂತರ ಮಳೆಯಿಂದಾಗಿ ಆಂಜಿನೇಯರ್ ದೇವಸ್ಥಾನದಲ್ಲಿ ಹಲವಾರು ವಿವಾಹಗಳು ವಿಳಂಬಗೊಂಡವು. ಆದರೆ ಹವಾಮಾನ ವೈಪರೀತ್ಯದ ನಡುವೆಯೂ ತಿಂಗಳ ಹಿಂದೆಯೇ ಮದುವೆ ನಿಗದಿಯಾಗಿದ್ದ ಕೆಲ ಜೋಡಿಗಳು ದಾಂಪತ್ಯ ಜೀವನಕ್ಕೆ ಕಾಲಿಡಲು ದೇವಸ್ಥಾನಕ್ಕೆ ಬಂದಿದ್ದರು.

ಚೆನ್ನೈನ ಪುಲಿಯಾಂತೋಪ್ ಪ್ರದೇಶದ ಜಲಾವೃತ ರಸ್ತೆಯಲ್ಲಿ ಛತ್ರಿಯ ಕೆಳಗೆ ಪರಸ್ಪರ ಕೈ ಹಿಡಿದುಕೊಂಡು ನಡೆದ ಜೋಡಿ ದೇವಸ್ಥಾನ ತಲುಪಿದ್ದರು.

ಭಾರತೀಯ ಹವಾಮಾನ ಇಲಾಖೆ (ಐಎಂಡಿ) ಪ್ರಕಾರ ಮಳೆ ಭಾನುವಾರದವರೆಗೆ ಮುಂದುವರಿಯುತ್ತದೆ ಎಂದು ಮುನ್ಸೂಚನೆ ನೀಡಿದೆ.

ನವೆಂಬರ್ 11 ಶುಕ್ರವಾರದಂದು ಚೆನ್ನೈ ಮತ್ತು ಅದರ ನೆರೆಯ ಜಿಲ್ಲೆಗಳ ಬಹು ಭಾಗಗಳಲ್ಲಿ ಭಾರೀ ಮಳೆಯಾಗಿದೆ. ಚೆನ್ನೈ, ತಿರುವಳ್ಳೂರ್, ವಿಲ್ಲುಪುರಂ, ಕಾಂಚೀಪುರಂ ಮತ್ತು ಹೆಚ್ಚಿನ ಜಿಲ್ಲೆಗಳಲ್ಲಿ ಶಾಲಾ-ಕಾಲೇಜುಗಳನ್ನು ತಾತ್ಕಾಲಿಕವಾಗಿ ಮುಚ್ಚಲಾಗಿದೆ.

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments