Tuesday, December 6, 2022
Google search engine
HomeUncategorizedಬೇಸ್​ ಬಾಲ್​ ಪಂದ್ಯದಲ್ಲಿ ಜೂಜು ಕಟ್ಟಿ 6 ಸಾವಿರ ಕೋಟಿ ರೂ. ಗೆದ್ದ ಭೂಪ…..!

ಬೇಸ್​ ಬಾಲ್​ ಪಂದ್ಯದಲ್ಲಿ ಜೂಜು ಕಟ್ಟಿ 6 ಸಾವಿರ ಕೋಟಿ ರೂ. ಗೆದ್ದ ಭೂಪ…..!

ಬೇಸ್​ ಬಾಲ್​ ಪಂದ್ಯದಲ್ಲಿ ಜೂಜು ಕಟ್ಟಿ 6 ಸಾವಿರ ಕೋಟಿ ರೂ. ಗೆದ್ದ ಭೂಪ…..!

ನ್ಯೂಯಾರ್ಕ್​: ಪಂದ್ಯದಲ್ಲಿ ಬೆಟ್ಟಿಂಗ್​ ಕಟ್ಟುವುದು ಸಾಮಾನ್ಯ. ಹಲವು ಕಡೆ ಇದು ಅಪರಾಧವಾಗಿದ್ದರೂ, ಒಳಗೊಳಗೇ ಈ ಜೂಜಾಟ ನಡೆಯುತ್ತಲೆ ಇರುತ್ತದೆ. ಆದರೆ ಇದು ಅಧಿಕೃತವಾಗಿರುವ ಅಮೆರಿಕದಲ್ಲಿ ಒಬ್ಬ ಈ ರೀತಿ ಜೂಜಾಡಿ 75 ಮಿಲಿಯನ್ ಡಾಲರ್​ (ಸುಮಾರು 6 ನೂರು ಕೋಟಿ ರೂಪಾಯಿ) ಬಹುಮಾನ ಗೆದ್ದಿದ್ದು, ಜೂಜು ಪಂದ್ಯದಲ್ಲಿ ಇದುವರೆಗೆ ಗೆದ್ದ ಅತಿ ದೊಡ್ಡ ಮೊತ್ತ ಎನ್ನಲಾಗಿದೆ.

ಬೇಸ್​ಬಾಲ್​ ಪಂದ್ಯದಲ್ಲಿ ಅಮೆರಿಕದ ಹೌಸ್ಟಾನ್​ ಆಸ್ಟ್ರೋಸ್‌ ತಂಡದ ಪರ ಬೆಟ್ಟಿಂಗ್ ಕಟ್ಟಿರುವ ಜಿಮ್ ಮ್ಯಾಕ್‌ಇಂಗ್‌ವೇಲ್ ಈ ಭಾರಿ ಮೊತ್ತವನ್ನು ಗೆದ್ದಿದ್ದಾನೆ. ಹೂಸ್ಟನ್ ಆಸ್ಟ್ರೋಸ್ ತಂಡವು ಫಿಲಡೆಲ್ಫಿಯಾ ಫಿಲ್ಲಿಸ್ ಅನ್ನು ಗೇಮ್-6 ರಲ್ಲಿ ಸೋಲಿಸಿ ವಿಶ್ವ ಸರಣಿಯನ್ನು ಗೆದ್ದಿತು. ಈ ತಂಡದ ಪರ ಬೆಟ್ಟಿಂಗ್​ ಕಟ್ಟಿದ ಜಿಮ್ ಈ ಮೊತ್ತದ ಹಣವನ್ನು ಪಡೆದು ಭಾರಿ ಸುದ್ದಿಯಾಗಿದ್ದಾನೆ.

ಈ ಹಿಂದೆ ಕೂಡ ಹಲವು ಬೆಟ್ಟಿಂಗ್​ಗಳನ್ನು ಈತ ಗೆದ್ದಿದ್ದು, ಅವುಗಳಲ್ಲಿ ಕೆಲವು ಪಾಲನ್ನು ಸಾಮಾಜಿಕ ಕಾರ್ಯಗಳಿಗೆ ಬಳಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಈ ಹಣವನ್ನು ಕೂಡ ಸದುಪಯೋಗ ಪಡಿಸಿಕೊಳ್ಳುವ ನಂಬಿಕೆ ತಮಗಿದೆ ಎಂದು ಹಲವು ನೆಟ್ಟಿಗರು ಕಮೆಂಟ್​ ಮಾಡುತ್ತಿದ್ದಾರೆ. ಜೂಜಾಟ ಎಲ್ಲಾ ಸಮಯದಲ್ಲಿಯೂ ಕೆಟ್ಟದ್ದಲ್ಲ, ಅದೃಷ್ಟ ಒಂದಿದ್ದರೆ ರಾತ್ರೋ ರಾತ್ರಿ ಇದು ಸಹಸ್ರ ಕೋಟ್ಯಾಧಿಪತಿಯನ್ನಾಗಿಯೂ ಮಾಡಬಲ್ಲುದು, ಅದೃಷ್ಟವಿಲ್ಲದಿದ್ದರೆ ಕೋಟ್ಯಾಧೀಶನನ್ನು ರಾತ್ರೋರಾತ್ರಿ ಬೀದಿಗೆ ತರಬಹುದು ಎಂದು ಹಲವರು ತಮ್ಮ ಅನುಭವ ಹಂಚಿಕೊಂಡಿದ್ದಾರೆ.

 

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments